Бейне есеп
https://youtube.com/live/XG41qZ6R_8k
1-күн
https://youtube.com/live/12jdchpWgMA
2-күн
Өткізілген орны: «Достық» қонақ үйі, Курманғазы көшесі, 36.
Жыл сайынғы Қазақстан ұлттық конгресі үлкен табыспен өтті.
С.Ж. Асфендияров атындағы ҚазҰМУ «Аллергология және клиникалық иммунология» кафедрасы Қазақстан аллергологтары мен клиникалық иммунологтар ассоциациясымен бірге Еуропалық аллергология және клиникалық иммунология академиясының (EAACI) қолдауымен 2025 жылдың 24-25 сәуірі күндері Алматы қаласында «XXV Қазақстандық ұлттық халықаралық конгресс «Астма мен аллергия» ғылыми-практикалық конференциясын сәтті өткізді.
Конгресс аллергология мен клиникалық иммунология саласындағы маңызды оқиғаға айналып, әлемнің жетекші мамандарын және Қазақстан ғалымдарын жинады.
Еуропалық аллергология және клиникалық иммунология академиясының өкілі, Түркиядан келген профессор Asli Akkor құттықтау сөзінде аллергиялық ауруларды диагностикалау мен емдеудегі халықаралық тәжірибе алмасудың маңыздылығын атап өтті.
С.Ж. Асфендияров атындағы ҚазҰМУ «Аллергология және клиникалық иммунология» кафедрасының меңгерушісі, медицина ғылымдарының докторы, профессор Ж.Б. Испаева «EAACI 2024 жаңа ұсыныстары: Экология. Аллергиялық ринит пен астманың емі» тақырыбында баяндамамен сөз сөйледі. Жұмыс тобының жетекшісі ретінде аллергиялық ринит пен астманың емі бойынша соңғы әлемдік ғылыми деректерге негізделген барлық жаңартулар мен өзгерістерді егжей-тегжейлі түсіндірді.
Украинадан келген профессор Шарикадзе Е.В. «Респираторлық белгілері бар LTP синдромының ерекшеліктері» тақырыбында информативті баяндама жасады. Бұл баяндаманы қатысушылар қызығушылықпен тыңдап, аллергияның молекулалық және жасушалық негіздерін тереңірек түсініп, жаңа диагностикалық және емдеу әдістерін әзірлеуге маңызды қадам жасау мүмкіндігіне ие болды.
Украинадан келген өкіл Юрьев С.Д. MD, PhD «Таблетка түріндегі аллерген-спецификалық иммунотерапия. Бүкіл әлем бойынша аллергияны емдеудегі 80 жылдық тәжірибе» тақырыбында баяндама жасады.
С.Ж. Асфендияров атындағы ҚазҰМУ «Аллергология және клиникалық иммунология» кафедрасының жас қызметкерлерінің баяндамалары ағылшын тілінде болды және Еуропалық әріптестер арасында үлкен қызығушылық тудырды. Жас қызметкерлер тақырыптары: кафедра докторанты Батырбаева А.Ж. - «Тұқым қуалайтын ангионевротикалық ісіну. Диагностика және емдеу»; профессор ассистенті Сәрсенбаева А.Ж. – «Атопиялық дерматитті диагностикалау және дербес емдеудегі жасанды интеллект: Қазақстандағы және әлемдік тәжірибе мен перспективалар», кафедра лекторы Бекмагамбетова Р.Б. - «Бронх демікпесі бар науқастарда дербестендірілген терапияны енгізу перспективалары», кафедра ассистенті Рысмаханова К.Н. - «Алматы қаласындағы ауруханадағы жедел токсикалық-аллергиялық реакция жағдайларын талдау. Дәрілік аллергия бойынша нұсқаулық: соңғы жаңартулар (2023)» баяндамаларымен таныстырды.
Конгресс екінші күні 25 сәуірде Вашингтон университетінің жетекші профессоры Lawrence M. DuBuske «Аларминдер астманың дамуы: терапевтік маңызы» тақырыбында керемет лекция оқыды. Ол астманың Th2-жұқпалы реакцияларымен дамуында аларминдердің рөлін баяндап, қазіргі таңда тезепелумаб пен TSLP пайдаланумен қатар IL-33, IL-25 қарсы мониклональды антиденелер әзірлеу бағытында клиникалық сынақтар жүргізілуде деп айтты.
Буза Д.В. м.ғ.д., PhD, Беларусь Республикасы Денсаулық сақтау министрлігінің бас аллергологы – «Беларусь Республикасында балалық шақта АСИТ қолдану» тәжірибесімен бөлісті.
Отандық спикерлеріміз де сөз сөйледі. Практикалық аллергологияның барлық мәселелері қамтылды.
Тусупбекова Г. М., медицина ғылымдарының кандидаты, PhD, ҚР Президенті әкімшілігінің ауруханасы аллергология орталығының басшысы «ХСК науқастарында емдеуге жауап беру көрсеткіштерінің потенциалды маркерлері. Антигистаминдік дәрілердің, омализумабтың және циклоспориннің тиімділігін бағалау»; «Эпидермальды некролиз, емдеу, болжам және ұзақ мерзімді салдарлар» тақырыптарында баяндамалар жасады.
Моренко М.А., м.ғ.д., Астана медицина университетінің профессоры «Атопия және тері: емдеу мен алдын алудың заманауи тәсілдері» тақырыбында қызықты баяндама жасады.
Ковзель Е.Ф. MD, PhD өзекті тақырыптар бойынша екі баяндама жасады: «Аллерголог-иммунологтың тәжірибесіндегі жедел және созылмалы есекжем. Жаңа нұсқаулықтар және стандартты тәжірибе» және «Сиыр сүтінің ақуызына аллергия».
Карабаева Ж. М., Тараз қаласындағы ГМБ консультативтік-диагностикалық бөлімінің меңгерушісі, Жамбыл облысының бас аллергологы «Ауыр бронхиалды астмасы бар науқастарды маршруттау бойынша практикалық мәселелер. Клиникалық іс» тақырыбында сөз сөйледі.
Абилкасимова Г. Е., ҚРМУ дерматовенерология кафедрасының аға оқытушысы, Алматы қаласындағы НПЦ дерматовенерология және косметология орталығының директоры «Аллергодерматоздар: сыртқы терапия мүмкіндіктері» тақырыбында баяндамамен шықты.
С.Ж. Асфендияров атындағы Қазақ медициналық университетінің қабырғасында конгрессті аяқтау керемет дәстүрге айналды. ҚазҰМУ Даңқ залында профессор Constantinos Pitsios «Эозинофильді эзофагит: Диагностика құралдары және емдеу жолдары» тақырыбында актілік дәріс оқыды.
EAACI ұйымының өкілдері профессорлар Asli Akkor мен Constantinos Pitsios EAACI атынан жылы лебіздерін білдіріп, бұл сөздер студенттер мен жас ғалымдардың үлкен қызығушылығын тудырды. Көптеген сұрақтар қойылып, белсенді пікірталас өтті.
Бұл кездесудің қорытындысы ретінде Қазақстаннан алғаш рет докторант Батырбаева А.Ж. EAACI 2025 жылы Глазгода өтетін конгресс аясындағы жас ғалымдар секциясына модератор ретінде таңдалды. Бұл — еліміз үшін үлкен жетістік!
«Аллергология және клиникалық иммунология» кафедрасының резиденттері өздерінің ғылыми жұмыстарын постерлік сессияда ұсынды. EAACI өкілдерінен құралған комиссия олардың постерлерінің деңгейін жоғары бағалап, 1-орын иегерін EAACI 2026 конгресіне қатысуға шақырды.
