Өткізу орны «Достық қонақ үйі», Құрманғазы көшесі, 36
С.Ж.Асфендияров атындағы ҚазҰМУ аллергология және клиникалық иммунология кафедрасы 2024 жылғы 17 қазанда Алматы қаласында әлемдік деңгейдегі аллергологтартар қатысумен Қазақ Ұлттық Медициналық Университетінің Бірінші ректоры Санжар Жафарұлы Асфендияровтың 135 жылдығына арналған Дүниежүзілік аллерголог күнін өткізді.
Жалпы медицина мектебінің деканы - 2, м.ғ.д. Г.А. Шопаева құттықтау сөз сөйледі.
Әлемдік деңгейдегі жетекші аллерголог, аллергия және иммунология саласындағы клиникалық зерттеулер директоры, MD, Буэнос-Айрестен (Аргентина) профессор Jorge F. Maspero «Иммунотерапиядағы озық ғылым» тақырыбында тамаша баяндама жасады. Баяндама аллерген-спецификалық иммунотерапияның (АСИТ) барлық жаңа әдістеріне арналды.
Болгар аллергологтар қоғамының төрағасы, София Медицина Университетінің аллергология және клиникалық иммунология кафедрасының меңгерушісі, профессор Мария Стаевска «АСИТ пациенттерді іріктеу үшін молекулалық диагностиканы қолдану тәжірибесі» тақырыбында тамаша хабарлама жасады.
«Анафилаксия: айқаспалы гиперсезімталдықтың сирек мысалдары» тақырыбындағы баяндамасында, МҒМО ФМБУ тері аллергиясы және иммунопатологиясы бөлімінің меңгерушісі профессор Феденко Е.С (Мәскеу, Ресей) молекулярлық аллергодиагностика туралы терең түсінік берді.
Украиналық спикер PhD С.Д. Юрьев «Аллергиялық ринит пен бронх демікпесін диагностикалаудың жаңа мүмкіндіктері. FeNO тесті» туралы өте қызықты баяндама жасады. Өзінің баяндамасында ұсынған аппарат бронх демікпесін ерте диагностикалау және болашақта одан әрі дамуын болдырмау үшін жаңа мүмкіндіктер ашады.
Жетекші шетелдік спикерлермен қатар отандық ғалымдардың баяндамалары тыңдалды.
С.Ж. Асфендияров атындағы ҚазҰМУ аллергология және клиникалық иммунология кафедрасының меңгерушісі, профессор Ж.Б. Испаева үздік және практикалық баяндама жасады.
Осы жылдың 19 қыркүйегінде ОКК бекітілген «Аллергиялық риниттің жаңартылған хаттамасы - 2024» тақырыбындағы баяндамасында Ж.Б. Испаева оған енгізілген барлық өзгерістер туралы егжей-тегжейлі ақпарат берді.
Сонымен қатар «UMC» диагностикалық орталығының бөлім меңгерушісі, м.ғ.д. Ковзель Е. Ф. «Көп қырлы есекжем, пациенттерді басқару» тақырыбында дәріс оқыды.
Бронх демікпесінің генетикасы бойынша қазіргі заманғы аллергология мен клиникалық иммунологиядағы өзекті тақырыптардың бірін қорғаған, докторантураны сәтті аяқтаған кафедра ассистенті Бекмағамбетова Р.Б. өз баяндамасында бронх демікпесі мәселесін ғана емес, оның қоршаған ортамен және генетикамен байланысын біріктірді.
Республикалық аллергология орталығының басшысы, кафедраның жаңа докторанты А. Ж. Батырбаева «Қазақстан Республикасындағы созылмалы есекжем фенотиптерінің ерекшеліктері. Пациенттердің өмір сапасы және ауруды бақылау» тақырыбында баяндама оқыды.
Дәстүрлі, пленарлық отырыс аяқталғаннан кейін бағдарлама бойынша жас ғалымдар секциясы өткізілді.
Жыл сайын кафедра резиденттері комиссия мүшелерін аллергология және клиникалық иммунология саласындағы терең білімдерімен қуантады.
1. Аблимитов С.К. тарихта тұңғыш рет профессор Ж.Б. Испаеваның атаулы стипендиясының иегері «Бронхиалды астманың үй шаң кенелерімен сублингвальды терапиясы» тақырыбында баяндамасын таныстырды.
2. Азизбаева З.И. «Аллергиялық ринитті қазіргі заманғы диагностикалау және емдеу» тақырыбына, Даутова А.Н. «Атопиялық дерматит. Диагностика және емдеу» тақырыбында баяндамаларын қорғады.
3. Қақпанбай Д. Б қазіргі заманғы әдістермен қатар, есекжемді емдеудің жаңа трендтері туралы өте жақсы баяндама жасады.
Конференцияға қатысушылар аллергиялық аурулардың барлық бөлімдері бойынша ұсынылған баяндамалардың жоғары деңгейін атап өтті.
Дүниежүзілік аллерголог күні қарсаңындағы сапар туралы бірнеше сөз.
11.10.2024 жылы профессор Ж.Б. Испаева Вильнюс қаласында Литва аллергологтарының бірінші конференциясында «Urticaria treatment old tools and new trends» баяндамасымен сөз сөйледі.
Онда аллергология мен клиникалық иммунологияның әлемдік шамасы, 30 жылдан астам уақыт бойы Еуропалық аллергия және клиникалық иммунология академиясының (EAACI) және ДДҰ-ның маңызды ұйымдарының бірі болып табылатын аллергиялық ринит пен бронх демікпесін басқаруға жауапты ARIA-ның тұрақты президенті, құрметті профессор Jean Bousquet (Монпелье, Берлин) сөз сөйледі.
Жақсы жаңалықтар!
Аллергологтар күнінен кейін С.Ж. Асфендияров атындағы ҚазҰМУ ректоры Ж.Б. Испаеваға университетті дамытуға сіңірген ерекше еңбегі үшін бірінші ректор С.Ж. Асфендияровтың медалін тапсырды.
Бүкіл әлемдік аллерголог күні қарсаңында ҚРҒА академигі ҚР ғылымын дамытқаны үшін Қ.И. Сәтбаев атындағы ҚР тұңғыш академигі сыйлығын тапсырды.
